Жылытуу мезгилинин аяктагандыгына байланыштуу Ош шаарында жылуулук берүү эртең, 18-марттан тарта токтотулат. Бул тууралуу шаар мэриясынын маалымат кызматы кабарлады.
Тиешелүү буйрукка Ош шаарынын мэри Таалайбек Сарыбашов кол койду. Буйрукта ошондой эле, жылуулук менен камсыздоочу обьектилерин 2020-2021-жылдын жылытуу мезгилине даярдоо иштерин баштоо жагы Ош жылуулук электр борборуна, «Жылуулук камсыздоо» муниципиалдык ишканасына, шаардык билим берүү башкармалыгына, саламаттыкты сактоо мекемелерине милдеттендирилген.
Эске салсак, Ош шаарына жылуулук 2019-жылдын 5-ноябрынан тарта бериле баштаган.