Монголияда коронавирустун жаңы түрүнө чалдыккан алгачкы учур катталды. Илдетке кабылган адам Франциянын жараны экенин Монголиянын Монцамэ агенттиги жазып чыкты.
Ага ылайык, бүгүн 10-мартта Моноголиянын Өзгөчө кырдаал боюнча мамлекеттик комиссиясы чукул жыйын уюштурду.
Бейтап Дорноговь аймагында карантинге алынды. Ал эми аны менен байланышта болгон Монголиянын 2 жараны аймакты таштап кеткен. Алар карантиндин шарттарын бузганы үчүн жоопкерчиликке тартыларын өлкөнүн Өзгөчө кырдаал боюнча мамлекеттик комиссиясы белгиледи.