Бүгүн, 10-февралда Жогорку Кеңештин Агрардык саясат, суу ресурстары, экология жана регионалдык өнүктүрүү боюнча комитети 2020-жылдын жазгы-талаа жана чарбалык жумуштарын өткөрүүгө карата өкмөттүн даярдыгы боюнча маалыматын угат.
Анда Айыл чарба, тамак-аш өнөр жайы жана мелиорация министри Эркинбек Чодуев маалымат берет.
Мындан тышкары, Айыл чарба, тамак-аш өнөр жайы жана мелиорация министрлигинин 2020-жылга карата кабыл алынган иш-пландары жана тармактык артыкчылыктуу багыттары жөнүндө маалымат угулат.