Бүгүн, 9-февралда саат 14:40 чамасында Бишкек шаарынын Свердлов районуна караштуу Күренкеев-Абдырахманов көчөлөрүнүн кесилишинде унаа оңдоочу жайдан өрт чыгып, 15:45те чектөөгө алынды. Бул тууралуу Өзгөчө кырдаалдар министрлиги билдирди.
Өрттү өчүрүүгө Өзгөчө кырдаалдар министрлигинин Бишкек шаардык башкармалыгынан 5 бөлүм, ИИМдин кызматкерлери жана тез жардам кызматынан 1 бригада тартылган.
Учурда өрттү толук өчүрүү иш-чаралары жүргүзүлүүдө.
Кошумча маалымат берилет.