Монголиянын Франциядагы элчиси А.Баттөр кызмат учурунда акча өндүрүүгө аракет кылууга айыпталып, 13-январда Улан-Батордо кармалды.
Анын ишин жемкордукка каршы кызматтын тергөө бөлүмү кароодо.
Буга чейин, Баттөр коргоо минстринин орун басары жана президенттин кеңешчиси болуп иштеген. Андан соң Монголиянын Франциядагы элчиси болуп дайындалган.
2019-жылдын декабрь айында ал Франциядан жүзүм багы бар заңгыраган үй сатып алган соң, андан шектенүүлөр башталган. Баттөр үйдү консулдук кызмат жана виза иштеринин эсебинен сатып алганы айтылган.
А.Баттөр Улан-Баторго элчилердин чогулушуна келгенде, ага өлкөдөн чыгууга тыюу салынат.
Монгол басылмалары жазгандай, элчи чет жерлерде акчаны адалдаганы жана тергөө ишине кийлигишүүгө аракет кылганы үчүн айыпталып камакка алынган.