2019-жылдын 7-8 августундагы Кой-Таштагы окуялар боюнча кылмышка шектүү 14 жаранга байланыштуу тергөө иштери аяктады. Бул тууралуу Ички иштер министрлигинин маалымат кызматы кабарлады.
ИИМдин Тергөө кызматы тарабынан 7-8 августундагы окуялар боюнча тергелип жаткан сотко чейинки өндүрүштүн алкагында бийликти күч менен басып алууга аракет кылуу, укук коргоо органдарынын кызматкерлерин өлтүрүүгө аракет кылуу, массалык баш-аламандык уюштуруу, барымтага алуу фактылары боюнча 14 кишиге шектүү катары маалымат кат берилип, тергөө амалдарынын аяктаганы тууралуу билдирилди жана кылмыш ишинин материалдары менен тааныштыруу иш-чаралары башталды.
— Ал эми калган кылмышка шектүүлөр боюнча материалдар өзгөчө өндүрүшкө алынып, сотко чейинки өндүрүш уланууда, — деп айтылат ИИМ маалымат кызматы бүгүн тараткан билдирүүдө.