Мурдагы президент Алмазбек Атамбаев Кой-Таш окуясына байланыштуу кармалган бардык тарапташтарын бошотууну талап кылды. Ал 7-августта күч кызматкерлеринин анын үйүнө кирип баруусун мыйзамсыз деп эсептейт.
Атамбаевдин пикиринде, кармалган тарапташтарынын эч күнөөсү жок экенин азыркы бийлик да билет.
-Бардыгына өзүм жооп берүүгө даярмын, 7-8-августтагы Кой-Таш окуясына байланыштуу кармалгандардын баары бошотулушу керек. Алар адилеттүүлүккө, өлкөнүн Конституциясына ишенгени үчүн гана күнөөлүү, — дейт Атамбаев.
2019-жылдын 8-август күнү укук коргоо органдары Атамбаевди анын Кой-Таштагы үйүнөн кармашкан. Соттун чечими менен ал УКМКнын тергөө абагына камакка алынган. Ошондой эле, Кой-Таш окуясына байланыштуу Атамбаевдин бир топ тарапташтары да камалган.