Венесуэла президенти Николас Мадуро Каракаста эл алдында сүйлөп жатып, Боливария өлкөсүндөгү экономикалык өсүү 2020-жылдан башталарын айтты.
«Бардык маалыматтар өлкөдөгү экономикалык өсүү келерки жылдан башталарын көрсөтүп турат»,- дейт Мадуро.
Анын айтымында, 2020-жылы экономикалык согушка алып келген гиперинфляция жайлашы күтүлөт.
Венесуэлада акыркы жылдары катуу социалдык-экономикалык кризис жүрүүдө.
БУУнун маалыматына ылайык, кризистен улам ушул убакка чейин 4 миллиондон ашык адам өлкөнү таштап чыгып кеткен.