Бириккен Араб Эмираттары Пакистанда 5 млрд долларга мунайзатын кайра иштетүүчү завод курууну пландаштырып жатат. Бул тууралуу Эмираттын Исламабаддагы элчиси Хамад Убайд Ибрахим Салим аз-Заъбий «Arab News» басылмасына берген маегинде билдирди.
Анын айтымында, завод Бириккен Араб Эмираттарынын Пакистандын мунай тармагына кошкон эң ири салымы болот. Ишкана Хуб шаарында «Mubadala Petroleum» ишканасы тарабынан Пакистан-Араб биргелешкен ишканасы жана Автралиянын «OMV» компаниясы менен өнөктөштүк негизде курулат.
Завод күнүнө 250-300 миң баррель нефтини кайра иштетет.