Өкмөт 31-декабрга чейин туулгандыгы тууралуу күбөлүгү жок балдарды табуу жана аларга документ берүү боюнча Улуттук кампания жүргүзөт. Бул иш-чаранын алкагында ата-энелер балдарына документти жөнөкөйлөтүлгөн тартипте ала алышат. Бул тууралуу Өкмөттүк Аппараттын маалымат кызматы билдирди.
Бүгүнкү күндө 1200 баланын туулгандыгы тууралуу күбөлүгү жок. Өкмөткө караштуу Мамлекеттик каттоо кызматы бул тизменин негизинде туулгандыгы тууралуу күбөлүктү даярдап, балдар жашаган аймактарга алып барып берет.
Эмгек жана социалдык өнүктүрүү министрлиги менен Билим берүү жана илим министрлигинин, жергиликтүү өз алдынча башкаруу органдарынын кызматкерлери эл арасында балдардын документин жөнөкөйлөтүлгөн тартипте алуу мүмкүнчүлүгү тууралуу түшүндүрүү иштерин жүргүзүүдө.