Бүгүн, 5-июлда Бишкек-Шаржа аба каттамы боюнча алгачкы учак келет. Бул тууралуу Маданият, маалымат жана туризм министри Азамат Жаманкулов «Марал» радиосуна берген маегинде билдирди.
Анын айтымында, Бишкек-Шаржа аба каттамы боюнча учак жумасына бир жолу учуп турат. Ал Кыргызстанга Бириккен Араб Эмираттарынан көбүрөөк туристтердин келишине өбөлгө түзөт.
Жаманкулов мындан сырткары, жайкы туризмди өнүктүрүү багытында Ысык-Көлгө Орусия, Өзбекстандан түз аба каттамдары ачылып, ийгиликтүү иштеп жатканын белгиледи.