Венесуэланын президенти Николас Мадурону өлтүрүү 20 миллион долларга бааланган. Бул тууралуу ал аскердик кызматкерлер менен болгон жолугушуусунда билдирди.
«4-августтагы мени өлтүрүүгө болгон аракет 20 миллион долларга бааланган. Уюштуруучуларга каражат чет өлкөдөн келген»,- деди Мадуро.
Николас Мадуро чалгындоо жана коопсуздук кызматкерлерине президентти коргоодо көрсөткөн эрдигин белгилеп, ыраазычылык билдирди.
Белгилей кетсек, 2018-жылдын 4-августунда уюшулган топ тарабынан Мадурого кол салуу болгон. Президентти коргоо учурунда 7 кызматкер жаракат алган.