Бишкектин Ленин райондук сотунда экс-мэрлер Кубанычбек Кулматов менен Албек Ибраимовдун бүгүнкүгө белгиленген сот отуруму болбой калышы мүмкүн.
Отурумга жактоочулар келишкен жок. Мындан улам отурумду жылдыруу маселеси айтылды.
Сот Калыс-Ордо конушундагы мектептин имаратын грант аркылуу куруу иштерине байланыштуу Бишкектин мурунку мэри Кубанычбек Кулматовго козголгон кылмыш ишин карап жатат. Ушундай эле кылмыш иши мурунку мэр Албек Ибраимовго да козголгон.
Соттук отурумга төрагалык кылуучу судья Кубанычбек Касымбеков жарым саатка тыныгуу жарыялады.