Бишкек-Ош унаа жолу бүгүн, 30-мартта кайрадан жабылат. Бул тууралуу Өзгөчө кырдаалдар министрлиги билдирди.
«Бүгүн, 30-мартта, кар көчкү түшүү коркунучунан улам саат 18:00дө Бишкек-Ош унаа жолу кайрадан жабылат», — деп айтылат маалыматта.
Маалыматка ылайык, Чүйдөгү «Сосновка» посту менен Өтмөк ашуусу саат 18:00дөн 31-марттын саат 6:00үнө чейин жабык болот. Ал эми «Арал» посту бүгүн саат 19:00дөн 31-марттын саат 6:00үнө чейин жабылат.
Эске салсак, аталган жол кечээ дагы жабылып, бүгүн саат 10:00дө ачылган.