Бүгүн, 25-февралда Аскар Мамин Казакстандын премьер-министри болуп дайындалды. Бул тууралуу tengrinews.kz жазды.
Мажилистин депутаттары Маминдин талапкерлигин колдоп, президент Нурсултан Назарбаев тиешелүү жарлыкка кол койду.
Аскар Мамин 1965-жылы Целиноградда төрөлүп, Г. В. Плеханов атындагы Оруссия экономикалык академиясын бүтүргөн. Кесиби боюнча инженер-куруучу жана экономист. Бул кызматка чейин Астана шаарынын мэри, Казакстан темир жолу ишканасынын президенти жана башка бар катар кызматтарда иштеп келген.
Эске салсак, Бахытжан Сагинтаевдин өкмөтү 21-февралда отставкага кеткен.