АКШнын президенти Дональд Трамп менен Түндүк Кореянын башчысы Ким Чен Ындын эки ирет жолугушуусу үстүбүздөгү жылдын февраль айынын аягында болот. Бул тууралуу Reuters маалымат булагы жазып чыкты.
Маалыматка ылайык, жолугушуу өткөрүлө турган жай кийинчерээк жарыяланмакчы. Эки тараптуу жолугушуу тууралуу Ак Үйдө Ким Чен Ындын өкүлү Ким Ен Чхол менен Трамп талкуулашкан. Бул боюнча Вашингтон толук кандуу маалымат билдирген жок. Баарлашуу бир саатка созулуп, андан соң саясатчылар түштөнүүгө кетишкен.
Андан көп өтпөй Ак Үйдүн басма сөз катчысы Сара Сандерс эки тараптуу баарлашууда Корей жарым аралы боюнча сүйлөшүү ийгиликке жеткенин айтып, Түштүк Кореянын санкциялары тууралуу сөз болбогонун кабарлады.