Жогорку Кеӊештин Эл аралык иштер, коргоо жана коопсуздук боюнча комитети “Майыптардын укуктары жөнүндө БУУнун Конвенциясын ратификациялоо тууралуу” мыйзам долбоорун экинчи окууда жактырды.
Конвенция 2008-жылдын 3-майында күчүнө кирген. Анын негизги максаты бардык ден соолугунан мүмкүнчүлүгү чектелген адамдардын укуктарын, эркиндиктерин сыйлоого артыкчылык берүү болуп эсептелет.
Конвенциянын ченемдерин ишке ашыруу үчүн биринчи 10 жылда 6 млрд 647 млн сом керектелет.
Белгилей кетсек, ушу тапта Кыргызстанда 181 миӊ ден соолугунун мүмкүнчүлүгү чектелген жаран бар, алардын басымдуу бөлүгү өспүрүмдөр.