Бишкекте өспүрүмдөр арасында шахмат боюнча жарыш башталды. Бул тууралуу Шахмат федерациясынан маалымдашты.
Ага ылайык, аталган спорттук иш-чара Гапар Айтиев атындагы сүрөт музейинде өтүүдө. Анда 6дан 18 жашка чейинки балдар, кыздар таймашууда.
Маалыматта айтылгандай, быйылкы жылы 625 бала катышып, рекорд коюлду.
Беттеш швейцариялык эреже менен ойнолуп, 7-9 турга созулат.
Мелдеш 12-январга чейин уланмакчы.