2019-жылы региондорду өнүктүрүүгө 2 млрд сом бөлүнгөн. Бул тууралуу Финансы министрлигинин бюджеттик саясат башкармалыгынын башчысы Канат Асангулов билдирди.
«Экономика министрлиги менен өкмөттүн програмаасы жана механизми кабыл алынат. 3 млрд сом капиталдык салымдарга, 1,1 млрд сом «Коопсуз шаар» долбоорун ишке ашырууга жумшалат», — дейт Асангулов.
Маалыматка ылайык, 2019-жылдын бюджетинде төмөнкү багыттар боюнча чыгымдар каралган.
- 635 млн сом — эл аралык уюмдардын төгүмдөрү үчүн ;
- 100 млн сом — жергиликтүү бюджеттерди жандандырууга;
- 500 млн сом — «Мамлекеттик Ипотекалык Компания» ААКсынын программасына;
- 984,9 млн сом — дыйкандарга жеңилдетилген насыя үчүн;
- 200 млн сом — мамлекттик тилди өнүктүрүүгө;
- 100 млн сом — чек араларды өнүктүрүүгө;
- 103 млн сом — калкты каттоо иштерине;
- 630 млн — үй-бүлөлүк дарыгерлердин маянасын көбөйтүүгө;
- 451,5 млн сом — гемодиализ жана жогорку технологиялык фонд үчүн;
- 350 млн сом — турак жай күбөлүктөрү үчүн бөлүнгөн.