КСДП фракциясы Аида Касымалиеванын талапкерлигин көпчүлүк коалициянын атынан вице-спикерликке сунуштады. Бул тууралуу фракциядан кабарлашты.
Маалымат боюнча, КСДП фракциясы бүгүн кезексиз жыйынга чогулуп, Асел Кодуранованы вице-спикерлик кызматтан алган. Бирок ал депутат болуп ишин уланта берет. Эске салсак, Кодуранова вице-спикерликке былтыр 1-ноябрда дайындалган болчу.
Учурда парламент төрагасынын эки орун басары бар, бирөө көпчүлүк коалициядан, экинчиси оппозициялык фракциядан дайындалат.