Азербайжандын Баку шаарындагы аэропортунан Мамлекеттик бажы кызматынын мурунку төрагасы Адамкул Жунусов кармалды. Мындай маалыматты Азербайжандын “Новая эпоха” интернет-порталы жазды.
Адамкул Жунусов Кыргызстандын укук коргоо органдары тарабынан Интерпол аркылуу изделип жаткан. Ага ушул жылдын август айында издөө жарыяланган.
Бажы кызматынын мурунку төрагасына Кылмыш жаза кодексинин 304-беренеси (кызматтык абалынан кыянаттык менен пайдалануу) боюнча айып тагылган. Ал өлкө бюджетине 166 милн сомдон ашык зыян келтиргени аныкталган.
Адамкул Жунусов 2013-2016-жылдары Бажы кызматын жетектеген.