Кыргызстанда орточо эмгек акы 1-октябрга карата 15 миң 52 сомду түзгөн. Бул тууралуу Улуттук статистикалык комитетинин комплекстүү иштер жана бөлүштүрүү бөлүмүнүн башчысы Чынара Турдубаева маалымат жыйынында билдирди.
Анын айтымында, бул көрсөткүч 2017-жылдын ушул мезгилине салыштырмалуу 6,3 пайызга өстү.
Айлык акынын көлөмүнүн өсүшү курулуш, байланыш, мамлекеттик башкаруу, коргоо, социалдык коргоо иштери, кыймылсыз мүлк жана илимий-техникалык ишмердүүлүк чөйрөсүндө байкалган.