17-октябрда өлкөдө мезгил-мезгили менен жаан, кар жаайт. Зымдарга жана бактарга суулуу кар жармашат. Батыштан келген шамалдын ылдамдыгы секундасына 4-9 метр, айрым жерлерде 18-23 метрге жетет.
Абанын температурасы:
Чүй облусунда түнкүсүн үшүк жүрүп, абанын табы -1…-3 суук, күндүз 0…+5;
Таласта түнкүсүн -4…+1, күндүз 0…+5;
Ош, Жалал-Абад, Баткен облустарында түнкүсүн үшүк жүрүп, абанын табы 0…-2 градуска чейин төмөндөйт, күндүз +4…+9;
Ысык-Көл жана Нарында түнкүсүн 0…-5 градуска чейин төмөндөсө, күндүз 0…+5;
Бишкек шаарында кар жаашы мүмкүн. Абанын табы түнкүсүн -1…-3, күндүз +1…+3 градус жылуу.