Аба ырайы: Көпчүлүк аймакта жаан жаайт

Кыргызгидромет билдиргендей, 23-октябрда түнкүсүн Талас, Жалал-Абад, Баткен облустарынын көпчүлүк аймактарында, Чүй, Ош облустарынын айрым жерлеринде жаан, тоолуу райондордо кар жаайт. Ысык-Көл, Нарын облустарында жаан-чачын күтүлбөйт.

Күндүз Чүй, Талас, Жалал-Абад, Ош, Баткен облустарынын көпчүлүк аймактарында, Ысык-Көл, Нарын облустарынын айрым жерлеринде жаан, тоолуу райондордо кар жаашы, айрым жерлерде жаан-чачын катуу жаашы күтүлөт.

Бийик тоолуу унаа жолдор тоңголок жана тайгак болот. Батыштан келген шамалдын ылдамдыгы секундасына 4-9 метр, айрым учурларда 15-20 метрге чейин жетет.

Абанын температурасы:

Чүй облусунда түнкүсүн +4…+9, күндүз +7…+12,

Талас облусунда түнкүсүн +3… +8, күндүз +6 … +11,

Баткенде түнкүсүн +7… +12, күндүз +12…+17,

Ош, Жалал-Абад облустарында түнкүсүн +8… +13, күндүз +13…+18,

Ысык-Көл облусунда түнкүсүн +1… +6, күндүз +14 … +19,

Нарын облусунда түнкүсүн -2…+3, күндүз +12 …+17.

Бишкекте жаан жаашы мүмкүн. Абанын температурасы түнкүсүн +6…+8, күндүз +10…+12 градус болот.