Чүй облусунун Сокулук районунда 24-январ күнү кечинде эки кабаттуу мечитте өрт чыкты. Бул тууралуу Өзгөчө кырдаалдар министрлиги билдирди.
Маалыматка караганда, өрт чыккандыгы тууралуу билдирүү 24-январ күнү саат 20:15те белгилүү болгон. Окуя болгон жерге 4 күжүрмөн эсеп өрттү өчүрүү иштерин жүргүзүшүп, 22:12де чектөөгө алынган.
Ал эми тилсиз жоонун кесепетинен болжол менен мечиттин 900 чарчы метр аянты күйүп кеткен. Жабыркагандар жок. Өрттүн себептери жана келтирилген чыгымдар такталууда.