Коюу тумандан улам «Манас» жана «Ош» эл аралык аэропортторунда каттамдар кармалып жатат. Бул тууралуу «Манас» эл аралык аэропортунун басма сөз кызматы билдирди.
«Манас» эл аралык аэропортунда – Ош, Жалал-Абад, Талас, Сургут, Анталия, Стамбул, Ташкентке каттамдар кармалып жатат.
Мындан тышкары, «Ош» эл аралык аба майданында Оштон Стамбулга, Екатеринбургга, Домодедового, Шереметьевого, Жуковскийге, Внукового, Кувейтке, Жиддага каттамдар кармалууда.
Ошондой эле Бишкек-Ош каттамы да токтоп турат.