Саат 12:00гө карата жергиликтүү кеңештерге шайлоого катышуу 8,5% түздү. Бул тууралуу Борбордук шайлоо комиссиясынын маалыматында айтылды.
Анын ичинен шаардык кеңештерге шайлоолорго катышуу 7,88 пайыз, айылдык кеңештерге 8,9 пайызды түздү.
Өлкө боюнча жалпысынан 4 миллион 135 миң 39 шайлоочу бар.
Бүгүн 264 жергиликтүү кеңешке, анын ичинде 33 шаардык жана 231 айылдык кеңештерге депутаттар шайланат. Добуш берүү таңкы саат 08:00дө башталган, кечки саат 20:00дө жыйынтыкталат.