Бишкекте бүгүн, 16-ноябрда JIA бизнес-ассоциациясынын «Айым ишкерлер комитети» ишкер аялдардын форумун өткөрүүдө.
«Айым ишкерлер комитетинин» 10 жылдыгына арналган «Ийгилик, өсүү жана инновациялар» аталышындагы форум айым ишкерлерди тажрыйба алмашуу жана байланыштарды түзүү үчүн бириктирүүнү максат кылат. Ага Кыргызстандын бардык аймактарынан тажрыйбалуу ишкер аялдар, бизнести жаңы баштагандар жана ишкерлик чөйрөсү менен таанышууну каалаган айымдар катыша алат, жалпысынан 300дөй ишкер катышууда.
Иш-чарада бизнес чөйрөсүндөгү жаңычылдыктар менен тааныштырылып, чакан, орто жана ири бизнес секторлору үчүн инновациялык чечимдер сунушталат. Форум аймактар аралык байланышты күчөтүп, бизнестеги айымдардын ийгиликтерин жана каръералык өсүшүн колдоого алат.
