Бүгүн, 14-ноябрда саат 09:30дан тарта Ош — Сары-Таш — Эркеч-Там унаа жолунун 170-чакырымынан 200-чакырымына чейинки, тагыраагы Ак-Босого айылынан Сары-Таш айылына чейинки тилкеде унаалардын бардык түрү үчүн кыймылга чектөө киргизилди.
Унаа жолдо кар жаап, жол тайгак болуп жаткандыгына байланыштуу кырсыктардын алдын алуу, жарандардын кырсыкка кабылуусуна жол бербөө жана мындан ары жол тыгындарын болтурбоо максатында Жол тейлөө ишканасынын сунушу боюнча жогоруда айтылган жолдун тилкеси убактылуу жабылды.