9-12-ноябрь күндөрү Талас шаарындагы спорт ордосунда бокс боюнча жаштар арасында Ата мекендик согуштун арадагери, даңк орденинин ээси Молдон Мураталиевдин жаркын элесине арналган Эл аралык мелдеши өтөт.
Мелдешке республиканын бардык аймактарынан келген спортчулар катышат. Жеңүүчүлөргө Спорттун олимпиадалык түрлөрү боюнча дирекциясы жана Талас облустук бокс федерациясы тарабынан тиешелүү даражадагы диплом жана медалдар тапшырылат.
Катышуучулар 48, 51, 54, 57, 60, 63.5, 67, 71, 75, 80, 86, 92, +92 кг салмак категорияларында күч сынашат.