Бишкекте 1-ноябрда болжол менен саат 09:15те №216 автобус каттамынын айдоочусу жол кырсыгына кабылган. Мэриянын маалыматына караганда, автобус Айни көчөсү менен чыгышты көздөй бара жатканда Шота Руставели көчөсүнөн Ниссан (Минивен) үлгүсүндөгү унаанын айдоочусу жол белгисине баш ийбей, түштүктү көздөй чыга калып, автобустун алдыңкы оң капталын сүзгөн.
Автобус жол жээгиндеги токтоп турган жеңил унааны сүзүп токтогон. Жүргүнчүлөр арасында жабыркагандар бар экени айтылды.
Алдын ала маалыматтарга ылайык, күбөлөрдүн айтуусунда, автобус өз жолу менен бараткан учурда катуу ылдамдыкта келе жаткан жеңил автоунаа сүзгөн.