Бишкек шаарынын Свердлов районунда 20-октябрь күнү 59 жаштагы М.А. аттуу жаран үйүнөн чыгып кеткен бойдон кайрылып келген эмес.
Өзгөчө кырдаалдар министрлигинин маалыматына караганда, 31-октябрь күнү дайынсыз болгон жарандын кызынын кайрылуу катынын негизинде издөө иши башталып, 7 куткаруучу тартылган.
Дайынсыз болгон жарандын уюлдук телефону Чоң Чүй каналы жактан өчүп калгандыгы аныкталгандыгын жакындары билдирген. Ага ылайык издөө сууда кайык менен жүрүүдө.
Жеринде Бишкек шаардык башкармалыгынын Куткаруу кызматынын 7 куткаруучусу иш алып барууда.