Казакстанда референдум башталды, анда жарандар өлкөдө атомдук электр станциясын куруу же курбоо маселесин чечиши керек.
Казакстандын мыйзамдарына ылайык, референдум – бул Конституциянын долбоорлоруна, мыйзамдарга жана коомдук турмуштун башка маанилүү маселелери боюнча чечимдерге жалпы элдик добуш берүү. Казакстанда республикалык референдум конституциялык мыйзам менен жөнгө салынат жана атайын түзүлгөн комиссия тарабынан уюштурулат.
Негизги добуш берүү бүгүн, 6-октябрда шайлоо участкаларында саат 07:00дөн 20:00гө чейин болот. Мындан тышкары 80ден ашык объектилер саат 06:00дө ишин баштады. Казакстан республикасында 10 миңден ашык шайлоо участкалары бар.