Кыргызстандын эркин күрөш боюнча улуттук курама командасынын мүчөсү Абдымалик Карачев Албаниянын Тирана шаарында өтүп жаткан Дүйнө чемпионатында күмүш медалга ээ болду.
Спортчу 57 кг чейинки салмакта килемге чыгып, 1/8 финалдык беттеште кытайлык балбанды 9:4 эсебинде жеңип чейрек финалга чыккан.
1/4 финалдык беттеште американын балбанын 1:1 эсебинде жеңип, жарым финалдык беттеште ирандык каршылашы Али Носсейинди 4:3 эсебинде утуп финалга жеткен.
Алтын медаль үчүн беттеште индиялык спортчу Чираг Чирагга жеңилип, өз салмагында күмүш медалга ээ болду.