Ата мекендик балбан Асан Жанышов Албанияда өтүп жаткан күрөш боюнча жаштар арасындагы дүйнө чемпионатында коло медалдын ээси болду.
Бул күндөрү Албаниянын Тирана шаарында 23 жашка чейинки спортчулар арасында турнир өтүүдө.
Жанышов 22-октябрда грек-рим күрөшү боюнча мелдеште 87 килограммга чейинки салмак ченинде килемге чыгып, анда
Венесуэла, Армения жана Украиналык каршылаштарын катары менен жеңип, жарым финалга жолдомо алган.
Финалга чыгуу үчүн күрөштө Жанышов орусиялык Ауес Гонибов менен беттешип 1:3 эсебинде жеңилген, 23-октябрда коло медаль үчүн беттеште Америкалык каршылашын 9:0 эсебинде жеңип, коло медалдын ээси болду.