Кыргызгидрометтин маалыматына караганда, 19-октябрга караган түнү Ысык-Көл облусунун чыгыш тарабында бираз жаан жаашы мүмкүн, калган аймактарда түнкүсүн жана күндүз жаан жаабайт.
Бийик тоолуу унаа жолдор тоңголок жана тайгак болот. Батыштан келген шамалдын ылдамдыгы секундасына 4-9 метрге жетет.
Абанын температурасы:
Чүй облусунда түнкүсүн 0…+5, күндүз +14…+19,
Талас өрөөнүндө түнкүсүн 0…+5, күндүз +13…+18,
Баткенде түнкүсүн +4…+9, күндүз +16…+21,
Ош, Жалал-Абад аймактарында түнкүсүн +4…+9, күндүз +17…+22,
Ысык-Көл облусунда түнкүсүн -2…+3, күндүз +9…+14,
Нарын облусунда түнкүсүн -4…+1, күндүз +8…+13.
Бишкекте жаан-чачын күтүлбөйт. Абанын температурасы түнкүсүн +3…+5, күндүз +17…+19 градус болот.