Президенттин басма сөз катчысы Аскат Алагөзов Кыргызстанда тигүүчүлөр жана куруучулар жетишсиз экенин фейсбук баракчасына жазып Орусиядагы кыргыз мигранттарын мекенине чакырды.
“Орусияда тигүү тармагында иштеп жүргөн эже-карындаштар, курулуш тармагында иштеп жүргөн ага-инилер, сиздерди Ата Мекениңерге — Кыргызстанга келип иштөөгө чакырам. Азыркы тапта Кыргызстанда тигүү тармагында да, курулушта да жумушчу күчтөрү жетишпей жатат. Албетте, сиздерди кызыктырган эмгек акы-маяналар Россияда иштеп тапкан менен бирдей эле болот. Эң башкысы Ата Мекениңерде, өз үй-бүлөңөрдүн жанында иштеген жакшы эмеспи”-деп жазылат билдирүүдө.
Сурап билүү телефондору:
1899 (Кыргызстан ичиндеги чалууларга); 0559189900 WhatsApp.
Тышкы иштер министрлигинин маалыматына караганда, соңку бир жарым жылда Орусияда кыргыз мигранттарынын саны 400 миңге азайган.