Украина жүздөн ашык учкучсуз учактар менен Орусияга сокку урду

Украина 10-сентябрда кечинде  Орусиянын баш калаасына эң ири көлөмдө учкучсуз учактар учак чабуул жасап, бир киши каза таап, Москванын аймагындагы ондогон үйлө кыйрады. Мындан улам Москванын айланасындагы аэропорттордон 50гө жакын рейс багытын өзгөрттү.

Орусия Москва облусун айланып өткөн 20 украиналык учкучсуз учактарды жана башка аймактагы дагы 124 учкучсуз учактар жок кылганын билдирди.

Кремлдин басма сөз катчысы Дмитрий Песков журналисттерге бул чабуулдар Украинанын саясий жетекчилигинин чыныгы табияты Орусияга каршы душмандардан турат дегендин далили, -деп билдирди.
«Түн ичинде турак жайларга сокку урууларды, эч кандай аскердик операциялар менен байланыштырууга болбойт», — деди Песков.

Жергиликтүү тургундардын айтымында Орусияда учкучсуз учактардын чабуулунан Москва облусунун Раменский районундагы көп кабаттуу үйлөр жабыркап, батирлер күйүп кеткен.

Раменскоеде 46 жаштагы аял каза болуп, үч адам жаракат алганын Москва облусунун губернатору Андрей Воробьев билдирди.
Расмий маалыматтарга караганда, Кремлден 50 чакырымдай түштүк-чыгыш тарапта жайгашкан Раменское районунда 250 миңдей  адам жашайт.
Орусиянын коргоо министрлигинен билдиришкендей, 70тен ашуун учкучсуз учактар ​​Орусиянын Брянск облусунун жана ондогон башка аймактардын үстүнөн атып түшүрүлгөн.
Орусиянын президенти Владимир Путин украиналык учкучсуз учактардын атомдук электр станциялары сыяктуу жарандык инфраструктураны бутага алган чабуулдарын “терроризм” деп атап, жооп кайтарууга убада берди.

10-сентябрда кечинде болгон чабуулдар боюнча Украинадан эч кандай комментарий болгон жок. Эки тарап тең карапайым калкты бутага алганын четке кагып келет.