Кыргызстан менен Тажикстандын мамлекеттик чек арасын делимитациялоо жана демаркациялоо боюнча өкмөттүк делегациялары жолугушуу өткөрдү.
Анда укуктук маселелер боюнча жумушчу топтору жана топографиялык жумушчу топтору катышты.
Министрлер кабинетинен билдиришкендей, жолугушуу 1-сентябрдан 7-сентябрга чейин Тажикстандын Согди облусунун Бустон шаарында өттү.
Бул жолугушуунун алкагында топографиялык жумушчу топтор кыргыз-тажик мамлекеттик чек арасынын калган тилкелеринде биргелешкен талаа изилдөөлөрүн жүргүзүштү.
Кийинки жолугушууда калган аймактарды сыпаттоо боюнча ишти улантат.
Жолугушуунун жыйынтыгында тиешелүү протоколго кол коюлду.