Бишкекте Панфилов көчөсүндө жайгашкан жатакананын душ бөлмөсүндө 21 жаштагы баланын асынып алганы аныкталды. Мындай маалыматты Бишкектин Биринчи Май райондук милициясынан кабарлашты.
30-август күнү саат 14:21 чамасында милицияга 21 жаштагы жигиттин сөөгү табылганы тууралуу маалымат түшкөн. Ал асынып алганы аныкталган.
Бул факты Кылмыш-жаза кодексинин 128-беренеси («Өзүн-өзү өлтүрүүгө чакыруу») менен катталган.
Ыкчам иликтөө иштеринин натыйжасында жогоруда айтылган жигитти өз жанын кыюуга үндөөгө шек саналып, Биринчи май РИИБнин ыкчам кызматкерлери тарабынан 1999-жылы туулган М.А.А. жана 1996-жылы туулган Б.Э.У. кармалды.
Учурда тергөө иштери жүрүп жатат.