Бишкек шаарында №10 автобус каттамы ачылды. Мэрия жаңы автобус каттамы ушул эле номердеги троллейбус каттамынын маршруту боюнча жүрөрүн билдирди.
8-августтан тарта жаңы автобустар мурда троллейбустар тейлеген багыт боюнча жүрө баштады.
№10 автобус багыты Интергельпо көчөсүнөн Асанбайдын акыркы диспетчердик пунктуна чейин барат.
Быйыл мэрия коомдук транспорттон троллейбустарды толук аларын билдирген. Анын ордуна электробустар жүрөрү убадаланган.
Борбор калаада мындан тышкары, №215, 243 жаңы автобус каттамы ишке кирди.
№215 автобус Ак-Ордо конушунан Беш-Күнгөй айылына чейин барат. Каттамга 25 автобус чыгып, алардын аралыгы 8 мүнөттү түзөт.
№243 автобус Жеңиш конушунан Асанбай кичи районуна чейин каттайт. Анда 30 бирдик автобус иштеп, аралыгы 7 мүнөттү түзөт.
