7-августка караган түнү Париждеги Олимпиадалык оюндардын алкагында Кыргызстандын кыз-келиндер күрөшү боюнча балбаны Мээрим Жуманазарова финалда алтын медаль үчүн килемге чыгып, күмүш медаль ээси болду.
Ал 68 кг салмак ченинде АКШ балбаны Эмит Элор менен беттешип, 0:3 эсебинде жеңилип калды.
Жуманазарова Кыргызстандын тарыхында Олимпиада пьедесталына эки жолу чыккан алгачкы кыргызстандык болуп калды. Ал Токио-2020 Олимпиадасында коло медаль ээси болгон.
Мээрим Жуманазарова жарым финалда нигериялык Блессинг Оборудуду аттуу атаандашын 3:1 эсебинде жеңген.
Жуманазарова биринчи беттешинде монголиялык Делгермаа Энхсайханды 8:3 эсебинде уткан.
1/4 финалда жапониялык Нонока Озаки менен беттеш өткөрүп, 8:6 эсебинде жеңип алган.