8-августтан тарта GoBus кичи автобустары Бишкектен Нарын каттай баштайт. Бул тууралуу Туризмди колдоо жана өнүктүрүү фондунан кабарлашты.
GoBus Бишкектен Ибраимов/М.Фрунзе көчөсүндө саат 08:00дө чыгат. Ал эми Нарын шаарынын борбордук аянтынан саат 10:00дө чыгат. Жолдун убактысы 4,5 саатты түзөт. Билет баасы 500 сом.
Учурда GoBus мобилдик тиркемеси аркылуу Ысык-Көлгө, ошондой эле Ала-Арча жаратылыш паркына же «Манас» аэропортуна билет сатып алууга болот.