Борбордук шайлоо комиссиясы Айжигит Тыналиевди №36 Ысык-Көл шайлоо округу боюнча, Жумабек Салымбековду №29 Свердлов округунан Жогорку Кеңештин депутаты катары каттады.
Аларга депутаттын күбөлүгү жана төш белгиси тапшырылды.
Мындан тышкары, №5 Ноокат шайлоо округу боюнча мөөнөтүнөн мурда шайлоонун жыйынтыгы чыгып, Бакытбек Марипов Жогорку Кеңештин депутаты катары таанылды. Ал шайлоочулардын 45,12% добушун алган.
30-июнда Ноокат, Ысык-Көл жана Свердлов бир мандаттуу округдары боюнча Жогорку Кеңешке депутаттарды кайра шайлоо өткөн.