28-июндан 2-июлга чейин өлкөнүн тоолуу жана тоо этектериндеги райондордо туруксуз аба ырайы күтүлүп, жаан нөшөрлөп жаайт.
Буга байланыштуу сел жүрүшү жана дарыяларда суунун деңгээли көтөрүлүшү мүмкүн. Өзгөчө кырдаалдар министрлиги кооптуу табигый процесстердин активдешүүсү мүмкүн болгон аймактарды атады:
- Жалал-Абад облусу: Аксы, Ноокен, Базар-Коргон райондору;
- Баткен облусу: Лейлек жана Кадамжай району;
- Ош облусу: Алай, Кара-Кулжа, Өзгөн жана Ноокат райондору.
- Чүй облусу: Кемин, Аламүдүн, Сокулук жана Жайыл райондору.
- Ысык-Көл облусу: Ак-Суу, Тоң жана Түп райондору.
- Талас облусу: Талас, Бакай-Ата району.
- Нарын облусу: Нарын, Жумгал району.
Министрлик жарандарды коопсуздук эрежелерин так сактоону, аймактардагы Жарандык коргонуу кызматтарынын күч жана каражаттарын даярдык абалда кармоону эскертет.