Тышкы иштер министрлиги израиль-ливан чек арасындагы кырдаалдын курчушуна байланыштуу кыргызстандык жарандарга аталган өлкөлөргө баруудан алыс болууну сунуштады.
Ошондой эле Ливан жана Израилде жашаган Кыргызстандын жарандарына кырдаал турукташканга чейин жеке коопсуздук чараларын күчөтүүсүн эскертти.
«Аталган өлкөлөрдө жүргөн Кыргызстандын жарандары Кыргызстандын Кувейттеги (+96525359951), Түркиядагы элчиликтеринин (+905456896800) жана КР ТИМдин Консулдук департаментинин (+996 999 312002) ишеним телефондору аркылуу зарыл учурда жардам, же консультация алуу үчүн кайрыла алышат», — деп айтылат маалыматта.