Мамлекеттик жана муниципалдык мектептердин биринчи классына балдарды электрондук каттоонун II этабы башталды. Бул тууралуу Билим берүү жана илим министрлигинен кабарлашты.
II этаптын биринки күнү 9 миңден ашык бала катталды. Ал эми 8-апрелден 2-июнга чейин жүргүзүлгөн электрондук каттоонун I этабында 70 миң 16 бала катталган.
Балдарды биринчи класска электрондук каттоонун экинчи этабы анык жашаган жери боюнча (факт боюнча) 3-июндан 30-августка чейин жүрөт.
Ата-энелер (мыйзамдуу өкүлдөр) балдарды 1-класска онлайн режиминде mektep.edu.gov.kg платформасында каттайт.