Тбилисиде 11 — майда он миңдеген адам «чет элдик өкүл» мыйзам долбоорунун кабыл алынышына каршы жүрүшкө чыгышты.
Жүрүштүн катышуучулары Тбилисинин борборундагы бир нече аймакта чогулуп, шаардын эски бөлүгүндөгү Европа аянтына бет алышты. Алар ар кандай иш-аракеттердин өкүлдөрү жана Грузиянын ар кайсы райондорунун тургундары.
Грузияда бир айдан бери уланып келе жаткан нааразылык акциясына чыккандардын арасында жаштар да көп.
Демонстранттар «чет элдик өкүл» мыйзам долбоору сөз эркиндигине, жарандык коомго гана эмес, өлкөнүн евробиримдиктеги келечектеги мүчөлүгүнө да коркунуч келтирет деп эсептешет.
Бул мыйзам долбоору бийликтеги “Грузин кыялы” партиясы тарабынан экинчи жолу сунушталып жатат. Март айында саясий күч ири нааразылык акциялардан кийин аны артка кайтарууга аргасыз болгон.
Жаңы мыйзам долбоору мурункусун дээрлик толугу менен кайталайт, бирок “чет элдик таасирдин агенти” деген сөз “чет элдик державанын кызыкчылыгын көздөгөн уюм” деген аталышка алмаштырылган.
Мыйзам долбоору каржысынын 20%дан ашыгын чет өлкөдөн алган бейөкмөт уюмдарды жана жалпыга маалымдоо каражаттарын чет элдик мамлекеттин кызыкчылыгын коргогон уюм катары каттоого милдеттендирет.
Документ үчүнчү окууда 13-майда каралат.