«Акылман» президенттик лицейи 2024-2025-окуу жылына карата жаңы окуучуларды кабыл алууну баштады. Бул тууралуу Билим берүү жана илим министрлиги билдирди.
«Акылман» президенттик лицейинде окууну каалаган бардык 6-класстын жана 8-класстын окуучулары катыша алат.
6-класстар 7-класстан баштап өз окуусун лицейден улантат.
8-класстар 9-класстан баштап өз окуусун лицейден улантат.
Кандай талаптар бар?
- Кыргызстандын жалпы билим берүү уюмдарында азыркы учурда 6-класс же 8-класста окуусу;
- Кыргызстандын жараны болуусу;
- «Жакшы», «эң жакшы» деген баага окуусу, башкача айтканда, ударник же отличник болуусу.
Бул талаптарга жооп берген окуучулардын бардыгы конкурстук тандоого катышып, өз күчүн сынай алышат.
Себеби, дал ушул баракчаларда exam.edu.kg сайтына катталуу боюнча көрсөтмөлөр, оффлайн тестирлөө жана конкуртук тандоо боюнча толугураак маалыматтар байма-бай жарыяланып турмакчы.
Конкурстук тандоо үч этаптан турат.
6-класстын окуучулары үчүн:
10-майга чейин онлайн тестирлөөгө катышуу үчүн exam.edu.kg сайтына катталуу зарыл;
- 1-тур: 11-майдан 16-майга чейин онлайн тестирлөө;
- 2-тур: 20-майдан 24-майга чейин онлайн тестирлөө;
- 3-тур: 27-майдан 2-июнга чейин оффлайн тестирлөө, ар бир 7 облуста жеринен өткөрүлөт.
3-турдун жыйынтыгы боюнча, 6-класстар арасынан лицейде окууга эң жогорку балл алган 72 окуучу кабыл алынат.
Конкурстук этаптын үчүнчү этабы:
6-класстын окуучулары үчүн.
3-тур бул – оффлайн тестирлөө жана ал ар бир 7 облуста жеринен өткөрүлөт:
- Баткен облусундагы талапкерлер үчүн 27-майда Кызыл-Кыя шаарында, саат 14:00дө;
- Ош облусундагы жана Ош шаарындагы талапкерлер үчүн 28-майда Ош шаарында, саат 14:00дө;
- Жалал-Абад облусундагы талапкерлер үчүн 29-майда Жалал-Абад шаарында, саат 14:00дө;
- Чүй облусундагы жана Бишкек шаарындагы талапкерлер үчүн 30-майда Бишкек шаарында, саат 14:00дө;
- Талас облусундагы талапкерлер үчүн 31-майда Талас шаарында, саат 14:00дө;
- Нарын облусундагы талапкерлер үчүн 1-июнда Нарын шаарында, саат 14:00дө;
- Ысык-Көл облусундагы талапкерлер үчүн 2-июнда Каракол шаарында, саат 14:00дө өткөрүлөт.
Ал эми 8-класстын окуучулары 15-майдан 25-майга чейин онлайн тестирлөөгө катышуу үчүн exam.edu.kg сайтына катталуу зарыл;
- 1-тур: 1-июндан 6-июнга чейин онлайн тестирлөө;
- 2-тур: 10-июндан 14-июнга чейин онлайн тестирлөө;
- 3-тур: 18-июндан 22-июнга чейин оффлайн тестирлөө, ар бир 7 облуста жеринен өткөрүлөт.
3-турдун жыйынтыгы боюнча, 8-класстар арасынан лицейде окууга эң жогорку балл алган 48 окуучу кабыл алынат.
3-тур бул – оффлайн тестирлөө жана ал ар бир облуста өткөрүлөт:
- Баткен облусундагы талапкерлер үчүн 18-июнда Кызыл-Кыя шаарында, саат 14:00дө;
- Ош облусундагы жана Ош шаарындагы талапкерлер үчүн 19-июнда Ош шаарында, саат 14:00дө;
- Жалал-Абад облусундагы талапкерлер үчүн 20-июнда Жалал-Абад шаарында, саат 14:00дө;
- Чүй облусундагы жана Бишкек шаарындагы талапкерлер үчүн 21-июнда Бишкек шаарында, саат 14:00дө;
- Талас облусундагы талапкерлер үчүн 22-июнда Талас шаарында, саат 14:00дө;
- Нарын облусундагы талапкерлер үчүн 23-июнда Нарын шаарында, саат 14:00дө;
- Ысык-Көл облусундагы талапкерлер үчүн 24-июнда Каракол шаарында, саат 14:00дө өткөрүлөт.
Конкурстук тандоонун биринчи жана экинчи этабында математика, логика, кыргыз тили, орус тили, жана тарых сабактарынан тестирлөө болот.
Ал эми конкурстун үчүнчү этабында математика, логика, кыргыз тили, англис тили сабактарынан тестирлөө болмокчу.