Ислам Халилов «Крокус Сити Холл» концерттик залындагы терактта адамдарды куткаргандыгы үчүн Орусиянын атайын медалы менен сыйланды. Тиешелүү жарлыкка 2024-жылдын 2-майында президент Владимир Путин кол койгон.
Жарлыкка ылайык, мектеп окуучусу Ислам Халилов «экстремалдуу шарттарда адамдарды куткаруудагы тайманбас жана чечкиндүү аракеттери үчүн» сыйланды.
Эскерте кетсек, 2024-жылдын 22-мартында Москва районундагы «Крокус Сити Холл» концерттик залында болгон теракт учурунда 15 жаштагы бала 100дөн ашык адамды куткарып калган.
Анын үй-бүлөсү бир топ жыл мурун Кыргызстандан Москвага көчүп келген, бала өзү Орусияда туулуп-өскөн.